ورق العنب بالزيت (يالانجي) و محشي باتنجان بزيت عالطريقة السورية
شي كتيير طيب و لذيذ و يعتبر من اشهى المقبلات الباردة .
طريقة عمل ورق العنب بالزيت (يالانجي) و محشي باتنجان بزيت.
المكونات :
استخدمت ٧٥٠غ ورق عنب
٢ كيلو باتنجان حبات صغيرة
١ كيلو رز مصري منقوع
١ كاسة شاي زيت زيتون
١ كاسة دبس رمان
١ كاسة عصير ليمون فرش
ممكن تستخدمو عصير برتقال حامض او ملح ليمون
٣ معالق ك دبس بندورة/ رب البندورة
٣ معالق ص دبس فليفلة حمر اذا وجد
١ ملعقة ك ثوم مهروس
٤ حبات بصل وسط مفرومة
٤ حبات بندورة وسط مفرومة
١ بصل اخضر اختياري
١ باقة و نصف بقدونس مفروم
شوية نعناع اخضر اذا وجد يمكن استبدله بنعناع يابس ١ ملعقة ص
١ ملعقة ص بن (القهوة)
رشة فلفل اسود
رشة فلفل احمر
رشة بهار السبع بهارات اذا وجد
ملح .
ملاحظة :
اذا حبيتو تعملو نوع واحد بلزمكون لعيار الرز
كل كيلو كامل ورق عنب
يحتاج لكيلو رز مصري
كل كيلو باتنجان حبات صغيرة تحتاج ل كاسة رز مصري
مكونات المرق لطبخ ورق العنب و محشي الزيت
ماء
حمض ليمون (عصير فرش / او ملح ليمون )
شوية زيت زيتون
(ممكن اضافة قليل من دبس البندورة او دبس الرمان او الاثنين معا ل مرقة الطبخ بس انا ما بضيف اختياري ).
طريقة التحضير على طريقتي:
اخلط كل مكونات الحشوة مع بعض و منركز الحمض و الملح حسب الزوق
و منحشي ورق العنب او الباتنجان
و بعدين منرصون بالطنجرة (الحلة) بشكل كويس و منحط المي لحتى تغمرون منيح و منملحها و منضفلا حمض ليمون فرش او ملح ليمون و منخلي عالنار لتغلي و بعد الغلي منوطي النار على اخف عيار لحتى يستوى
او ما يستو منصفي عنون المي و منشيل الباتنجان من طنجرتو .
و ورق العنب منصفي منو المي و منتركو بالطنجرة و منغطيا لكذا ساعة و هاد الي بخلية يقلب معنا و يطلع مرصوص متل مو شايفين بالصور و كمان انا بعملو بالليل و بخليه لتاني يوم و بقلبو و بيطلع ممتاز و بيتاكل بارد .
 و محشي باتنجان بزيت عالطريقة السورية شي كتيير طيب و لذيذ و يعتبر من اشهى المقبلات الباردة . طريقة عمل ورق الع…){kind=link}
تعليقات
إرسال تعليق